lunes, 23 de abril de 2007

Apoio da Unión Española de Escolas de Música ao traballo da EMMeD de Ribadeo


Ante o debate público que se vive en Ribadeo sobre a posta en funcionamento dun conservatorio a Unión Española de Escolas de Música (entidade pertencente á EMU, asociación europea de escolas de música), a través da súa presidenta, a catalá Carme Vergel, quere mostrar o seu apoio ao traballo realizado pola Escola Municipal de Música e Danza (EMMeD) de Ribadeo así como a súa opinión contraria ao estabelecemento dun conservatorio de grao medio na vila ribadense. Vergel sinala que a tendencia que se está seguindo en Catalunya é a contraria, tratar de potenciar as escolas de música como base para a formación musical da cidadanía. A presidenta da Unión Española de Escolas de Música recorda o quinto punto da Declaración de Weimar en apoio ás escolas de música e aos seus proxectos:
5. Las escuelas de música – una responsabilidad pública
5.1. Todo ciudadano debe poder tener la posibilidad de asistir a una escuela de música
si tiene esta inclinación e incluso quizás el talento necesario. Las cargas financieras
impuestas al alumno no deben ser demasiado elevadas.
5.2. No se debe abandonar en manos del mercado cultural ni de la industria del
divertimento el interés del individuo por la música y su voluntad de aprender.
5.3. La calidad de las estructuras, de las actividades ofertadas, y del personal docente
del que las escuelas de música necesitan para acometer su misión educativa, así como
la participación de las escuelas de música en la vida musical, no podrá ser garantizado si
los poderes públicos no asumen su responsabilidad sobre la base de la afirmación
manifiesta de una voluntad política y de un compromiso financiero por su parte.
5.4. Deseosos de garantizar las subvenciones públicas y de asegurarse un numeroso
público, las escuelas de música continuarán mejorando y asegurando la calidad de sus
servicios y de sus actividades. Paralelamente a su competencia profesional, aumentarán
también su eficacia en términos económicos.
La EMU requiere
• Que las escuelas de música sean reconocidos por los responsables políticos
competentes como parte integrante del equipamiento cultural de base al cual todo
ciudadano puede aspirar, y por tanto, como una responsabilidad pública indispensable;
• Que las escuelas de música continúen a ser objeto de la política cultural, educativa y
social y que ni los mejores políticos ni las administraciones públicas evadan su
responsabilidad en la realización de esta tarea;
• Que sea reconocido que la financiación privada – pague lo que pague – no constituye
una base de planificación sólida. Las escuelas de música no podrán ser privatizadas para
cumplir su misión. Las tasas y los costes no deben cortar la ruta a nadie.

martes, 10 de abril de 2007

Xa estamos de volta!!!


Xa estamos de volta en MUSIQUEANDO trala paréntese das vacacións de Pascua que deron para moito musicalmente falando. Éxito dos dous concertos da Escola Municipal de Música e Danza (EMMeD) de Ribadeo en Couxela e na propia vila; éxito tamén da convocatoria de antigos músicos da Banda Municipal de Ribadeo (BMR) que teñen unha cita o próximo día 21 de abril para comezar a prepar o concerto; e éxito tamén o da actuación da BMR o pasado mércores co mesmo programa co que viaxou a La Sénia e máis o concerto para bombardino e banda con Diego Bermúdez como solista.

Despois desta semana chea de boas noticias temos a obriga de seguir traballando arreo para facer medrar tanto a EMMeD de Ribadeo como a BMR

miércoles, 28 de marzo de 2007

Corrección á nota anterior!!!!

Por causas alleas á nosa vontade o concerto do ciclo 'Máis perto de ti' que se vai celebrar en Couxela terá lugar na Igrexa Parroquial desta localidade e non como estaba anuciado na Escola.
Pregamos saiban desculpar as molestias causadas.

Nova cita co ciclo de música nas parroquias 'Máis perto de ti'



A Escola Municipal de Música e Danza (EMMeD) de Ribadeo e a Concellaría de Cultura do Excmo. Concello de Ribadeo organizan para este xoves día 29 un novo concerto dentro do ciclo de actividade cultural polas parroquias Máis perto de ti. Desta volta será na escola de Couxela ás nove da noite. Na actuación intervirán grupos de piano, de frautas, un dúo de oboes, un trío de violíns, o grupo de clarinetes e o grupo de percusión.
O director da EMMeD de Ribadeo, Lourenço Cruz, salientou a importancia destes concertos “para achegar ás parroquias do concello a actividade musical que se leva a cabo dentro da EMMeD de Ribadeo e motivar así aos nenos e nenas das parroquias a matricularse no centro”. A responsábel de Cultura, a nacionalista Mari-Luz Álvarez Lastra, calificou estes concertos como “vitais tanto para a propia Escola, porque lle permiten amosar o seu traballo a todas e todos os veciños do concello, como para as parroquias que ven deste xeito como aumenta a súa vida cultural”. Tanto Lourenço Cruz coma Álvarez Lastra mostraronse optimistas co resultado deste tipo de concertos e afirmaron que “co paso do tempo e das actuacións comprobamos que cada vez é maior o número de público dos núcleos rurais que se achega a eles”. Ambos e dous deixaron patente o seu compromiso de seguir adiante con esta iniciativa nos meses vindeiros.

Concerto na sede da EMMeD de Ribadeo

O mesmo xoves día 29, ás oito e media da tarde na Casa do Mar, a EMMeD de Ribadeo ofrecerá un concerto de varias das súas formacións antes do comezo das vacacións de Pascua que se van
prolongar até o martes dez de abril. No concerto van participar os alumnos e alumnas do curso de preparatorio así como grupos de metais, de percusión, de percusión, de corda, de guitarras e as alumnas de ballet.
Lourenço Cruz amosouse convencido de que “a realización de concertos deste tipo vai en beneficio dos nenos e nenas porque se acostuman a tocar diante do público e á rutina dos ensaios parapreparar unha actuación”.

miércoles, 21 de marzo de 2007

Nova data do concerto de Semana Santa da BMR



A Banda Municipal de Ribadeo viuse na obriga, por unha serie de circunstancias alleas á súa vontade, de modificar a data para o concerto que tradicionalmente celebra cada ano por Semana Santa. A nova data é o día catro de abril, mércores, no Auditorio Municipal Hernán Naval ás oito e media do serán.

Como xa adiantabamos na entrada anterior este vai ser un concerto moi especial pois a BMR interpretará un programa totalmente renovado no que se inclúen as dúas pezas coas que a formación que dirixe Lourenço Cruz participou no certame de bandas de música Vila de la Sénia, Manhattan Pictures, de Jan Van der Roost e Highlights from Chess, de Ulvaeus e Andersson.

A BMR quere seguir mostrando o seu agradecemento a todas as persoas e institucións que lle fixeron chegar a súa felicitación polo éxito acadado no certame catalán: ao presidente da sociedade estatal de bandas de música, á banda de música de PonteLedesma, á Federación Galega de Bandas, aos medios de comunicación que se interesaron polo noso traballo así como a todas e todos vostedes.

Para tod@s é este concerto!!

martes, 13 de marzo de 2007

Xa hai data para o concerto de Semana Santa da BMR


O día un de abril, domingo de ramos, é o día elixido pola Banda Municipal de Ribadeo para ofrecer o seu tradicional concerto de Semana Santa que este ano terá un "aquel" especial. Alén de ser un dos concertos fixos na programación estábel da municipal ribadense o do próximo primeiro de abril será tamén un concerto de agradecemento a todas e todos aqueles que apoiaron e confiaron na BMR e que lle fixeron saír adiante a pesar de todas as dificuldades. Tan só sabemos agredecer todo isto dun xeito, con música, e así o faremos.
Grazas a tod@s!!!!

jueves, 8 de marzo de 2007

A EMMeD de Ribadeo ofrece o seu apoio ao ciclo "Músicas Posíbeis"



A concelleira de Cultura e Muller, a nacionalista Mari Luz Álvarez Lastra, e o director da Escola Municipal de Música e Danza de Ribadeo, Lourenço Cruz presentaron a programación da nova etapa do ciclo de sons alternativos "Músicas Posíbeis" que comezaba este pasado sábado cun concerto dos locais MedioGramo e a cuxo apoio se suma a EMMeD de Ribadeo. A través dunha serie de bonos de desconto que concede a concellaría de Cultura as e os alumnos do centro educativo-musical ribadense poderán asisitir ás actuacións programadas.

Grupos como Nordestinas, Marful ou os locais Amigos de lo ajeno son algúns dos nomes que desfilarán polo escenario do Auditorio Municipal Hernán Naval até o 23 de xuño.

Tanto Álvarez Lastra coma Lourenço Cruz salientaron a importancia deste tipo de actuacións, non só de cara os alumnos e alumnas da EMMeD senón tamén de cara o público en xeral xa que fomenta o coñecemento de todas as músicas.

miércoles, 7 de marzo de 2007

Agradecemento a David Ballester


"ai dos que levan na fronte unha estrela/ai dos que levan no bico un cantar" - curros enríquez


Hoxe deixou o seu posto de profesor de clarinete na Escola Municipal de Música e Danza (EMMeD) de Ribadeo, David Ballester Martínez, por razóns de índole estritamente persoais.


Dende Musiqueando queremos facer un agradecemento público ao seu traballo durante estes anos que estivo con nós pola súa inmensa calidade non só como profesional, a que ninguén pode poñer en dúbida, senón sobre todo como persoa.


No nome de tod@s e cada un dos que formamos estas dúas grandes familias que son a Banda Municipal de Ribadeo e a EMMeD de Ribadeo a nosa máis fonda aperta e o noso máis sincero sentimento de gratitude.


Folga dicir que as portas están abertas para que, canto antes, volvas estar con nós.

martes, 6 de marzo de 2007

Grazas a tod@s!!! - La Sénia 07


Grazas por conseguir que todo canto traballo levabamos feito durante os últimos meses dese os seus froitos na tarde do domingo a xeito dun dos nosos mellores concertos.
Grazas por facer disfrutar ao público mentres vós disfrutabades tocando.
E sobre todo grazas por formar unha gran familia que deixou ben alto o nome de Ribadeo en Catalunya.


dous oboes, un corno inglés, cinco frautas, dezaseis clarinetes, sete trompas, cinco trompetas, dous bombardinos, un fagot, dez saxos, tres tubas, cinco trombóns, un contrabaixo, un piano, cinco percusionistas e un director, para todas e todos eles nada mellor cás verbas de Jan Van der Roost:

Banda Municipal de Ribadeo: "orchestra which many excelent players and global qualitees, Bravo!"


Tan só nos queda unha débeda pendente, que o público ribadense consiga emocionarse, como se emocionou o de La Sénia, escoitando Chess.

viernes, 2 de marzo de 2007

Marchamos para La Sénia!!!!


As máis de noventa persoas que compoñen a expedición da Banda Municipal de Ribadeo xa estamos camiño de La Sénia, da nosa participación no I Certame de Bandras de Música Vila de la Sénia .
Queremos agradecer o seu apoio a todas e todos aqueles que nos apoiaron nesta novidosa experiencia, en especial á Delegación de Cultura do Excmo. COncello de Ribadeo, á Sociedade Anónima de Promoción do Xacobeo, á Dirección Xeral de Turismo da Consellaría de Innovación e Industria, á construtora local José Pulpeiro Doval "Os Gallopiños" así como aos pais, nais e aos músicos da BMR.

Grazas a tod@s

lunes, 26 de febrero de 2007

Congreso sobre a figura de Pascual Veiga


Seis meses máis tarde do pasamento de Pascual Veiga (acontecido o 12 de xullo de 1906), grazas ás xestións realizadas por Fontenla Leal en Cuba, interpretarase no Gran Teatro do Centro Gallego de La Habana "Os Pinos", poema de Eduardo Pondal posto en música por Veiga, que moi pronto será considerado como o Himno de Galicia, malia que a obra foi composta por Veiga en 1890. As investigacións realizadas ao redor do compositor e do himno levan a confirmar que a interpretación en Cuba do himno, non corresponde á data da estrea, senon que esta tivo lugar polo menos dez anos antes. Todos estes datos serán obxecto de análise durante o congreso.
O 18 de setembro e tras unha subscrición popular, os seus restos mortais trasládanse á súa vila natal. A fama sobranceira da súa “Alborada” e do Himno, obra identitaria para os galegos de ambos os lados do océano, eclipsou o resto da súa produción compositiva e os seus propios datos biográficos, que este congreso sobre a súa figura ten a intención de restituír.


A Consellaría de Cultura e Deporte está a promover un proxecto de investigación sobre Pascual Veiga que inclúe a edición integral da súa obra. O obxectivo é facer unha análise rigorosa e científica sobre a súa música, que vaia máis alá da coñecida Alborada e do Himno Galego. Trátase de inserir a súa figura na tradición cultural galega e europea. Para iso estanse a consultar fontes galegas e estatais relacionadas co labor de Veiga como compositor, profesor, e creador e director de orfeóns. Este traballo permitirá realizar unha edición completa da súa obra en dous volumes, onde o segundo deles estará centrado no himno galego e as súas variantes.


Congreso en Compostela os días 1, 2 e 3 de marzo de 2007

jueves, 22 de febrero de 2007

Curtas e teatro na fin de semana ribadense


A quen non lle apetece pasar a noite do venres vendo algunha das curtas feitas en Ribadeo ao longo deste verán? A cita é mañá a partires das dez da noite no Cine Teatro da vila coa presenza de dous dos seus directores, Joao Rodicio e Juan Oliveira. Ahhh!! Tamén estará Xoán de Vilaxoán, encargado dos cafés!

Esta é unha iniciativa dos amigos de Mr. Misto Films en colaboración coa delegación de Cultura do Excmo. Concello de Ribadeo.


E para os que queiran saber porque o teatro non atrae ás masas como pode facer o fútbol hai unha butaca reservada o domingo 25 ás oito e media da tarde no Auditorio Municipal Hernán Naval coa compañía Novedous Teatro e a súa obra Fóra de Xogo.


Non o penses máis...a túa cultura, na túa vila!!!!

miércoles, 21 de febrero de 2007

A BMR preparada para a súa participación no certame de La Sénia


Logo dun antroido intenso no que a ensaios se refire, a Banda Municipal de Ribadeo xa ten listo o seu repertorio para participar no I Certame de Bandas de Música Vila de la Sénia en Tarragona, Catalunya, os próximos 3 e 4 de marzo.

Dende aquí agradecer a todas e todos os músicos polo enorme esforzo que están facendo para acudir aos ensaios e polo seu compromiso coa BMR, ás nais e pais así como xente da vila que acudiu ao ensaio aberto ao público o seu alento de cara esta experiencia que afrontamos coa máis grande das ilusións, conscientes de que o noso esforzo dará os seus froitos.


Moitas grazas a tod@s!!!!!

miércoles, 14 de febrero de 2007

Festival de Antroido da EMMeD de Ribadeo


A Casa do Mar acollerá mañá xoves ás oito e media da tarde o Festival de Antroido da Escola Municipal de Música e Danza (EMMeD) de Ribadeo. Arredor de medio cento de alumnas e alumnos do centro participarán mañá nesta actividade á que están convidados todos o pais e nais así como todos os veciños da vila. Tan só hai unha 'obriga', vir disfrazados e con gañas de pasalo ben.
A música e as sorpresas corren por conta das agrupacións da EMMeD de Ribadeo

martes, 6 de febrero de 2007

Nova programación cultural do Concello de Ribadeo


A concellaría de Cultura de Ribadeo, que dirixe a nacionalista Mari-Luz Álvarez Lastra, vén de presentar a programación do seu departamento para este trimestre onde á oferta tradicional do teatro e a música agora tamén se suma con forza a arte dos creadores de A Mariña.

Aí vos vai un esbozo o que se poderá atopar estes días....


Mauro Leivas, do 11 ao 31 de marzo no Forte de San Damián....coa súa exposición Autorretrato das neobáquicas...


e Máis preto de ti o teatro, en Cedofeita, o próximo domingo día 11 ás 17.00 hrs. na Escola, actúa o Grupo O Bordelo de Cervo coa obra O mariñán....


martes, 16 de enero de 2007

A CONSELLERÍA DE CULTURA DESTINA 1.569.800 EUROS A SEIS LIÑAS DE AXUDA PARA O FOMENTO E PROMOCIÓN DO SECTOR ESCÉNICO GALEGO



A Consellería de Cultura e Deporte, a través do IGAEM (Instituto Galego das Artes Escénicas e Musicais), destinará este ano un importe global de 1.569.800 € a seis liñas de axuda dirixidas ao fomento e promoción do sector escénico galego. Os grandes apartados que centran este apoio económico son a produción de montaxes teatrais e coreográficas; a distribución e promoción de espectáculos de teatro, música e danza; a dotación técnica dos espazos da Rede Galega de Teatros e Auditorios; a programación de salas privadas de teatro; as actividades asociativas; e as actividades de estudo e de investigación que teñan por obxecto este ámbito artístico.

O programa completo de axudas foi presentado hoxe pola conselleira de Cultura e Deporte, Ánxela Bugallo, e mais o xerente do IGAEM, Miguel Martín, nun acto no que participou tamén o director xeral de Xuventude e Solidariedade, Rubén Cela, xa que este departamento da Vicepresidencia da Xunta de Galicia asume a metade da dotación de 60.000 euros destinada á modalidade de producións de nova creación. Todas estas axudas serán publicadas mañá no Diario Oficial de Galicia.
Na presente convocatoria configúranse definitivamente as axudas á distribución, que contan cun investimento de 215.000 €, como medida de fomento da proxección exterior da nosa produción escénica e musical, cunha aposta pola súa presenza fóra de Galicia e a súa participación nas principais feiras e plataformas de exhibición. Nesta mesma categoría faise fincapé na difusión da música a través da inclusión, por vez primeira na traxectoria do IGAEM, dun apartado de apoio específico á promoción de traballos editados durante 2007 e segundo semestre de 2006, do que serán beneficiarios as empresas discográficas.

jueves, 11 de enero de 2007

Paulino Pereiro estrea nova composición


O músico galego Paulino Pereiro, que xa ten composto en exclusiva para a Banda Municipal de Ribadeo a obra Ragtime, estrea esta semana unha nova peza da man da Orquestra Sinfónica de Galicia. Trátase de Ceo, onde Paulino Pereiro recrea as sensacións que lle producen o ceo e os seus elementos como parte da natureza. Orixinalmente composta para orquestra de frautas, esta obra, de 16 minutos de duración e estruturada en dous movementos, transmite sensación de lixeireza e gran transparencia.
Con esta son máis de 125 xa os traballos que ten realizado Pereiro, converténdose así nun dos compositores galegos máis prolíficos á hora de realizar partituras. Tamén destaca como pedagogo e como escritor, xa que ten publicados varios libros de diversa temática.

Ogallá podamos volver contar coa súa axuda e co seu traballo no futuro, por agora, unha forte aperta, Paulino.

miércoles, 27 de diciembre de 2006

PECHADO POR VACACIÓNS

Até o próximo día 8 de xaneiro este blog permancerá pechado por vacacións!!!

Tan só desexarvos FELICES FESTAS E UN VENTUREIRO ANO 2007!!!


SAÚDOS MUSICAIS!

jueves, 21 de diciembre de 2006

Festival de nadal da EMMeD de Ribadeo


O venres 22 ás oito e media da tarde terá lugar no Auditorio Municipal "Hernán Naval" de Ribadeo o festival de nadal da EMMeD de Ribadeo. Unha cita coa maxia, a fantasía e a ilusión a través da música. Nada máis podemos contar porque a esencia do festival é a sorpresa así que xa saben, a cita mañá venres, alí os agardamos!!!!!

domingo, 17 de diciembre de 2006

Ribadeo celebra o nadal con cultura



O nadal trae á vila de Ribadeo unha apretada axenda cultural para todas as idades. Dende o próximo venres día vintedous o Auditorio Municipal Hernán Naval vaise converter no epicentro cultural da localidade. Velaquí un resumo da programación cultural para as vacacións de nadal:
- Venres 22 de nadal ás 20.30 Festival de Nadal da Escola Municipal de Música e Danza de Ribadeo
- Sábado 23 de nadal ás 20.45 Festival de Panxoliñas (esta actividade terá lugar na Igrexa Parroquial)
- Martes 26 de nadal ás 18.00 Nadal Máxico 2006 cos magos Teto, Benxamín, Pablo e Javier Muro
- Mércores 27 de nadal ás 16.30 Sarabela Teatro presenta "A gata con botas" dirixida por Ánxeles Cuña
- Xoves 28 e venres 29 de nadal a partires das 17.00 Espectáculo formativo CIENCIA DIVERTIDA, ("A idade do xeo" e "Náufrago")
- Venres 29 de nadal ás 22.00 Ciclo de Concertos Músicas Posíbeis a cargo de Cristina Domínguez
e xa en xaneiro...
- Martes 2 de xaneiro chega a Ribadeo a "Xabaxira 2007", chega o porco bravo, chega o Xabarín Clube da Galega
- Xoves 4 de xaneiro concerto da nadal - aninovo da Banda Municipal de Ribadeo "Aquí como en Viena"
- Domingo 7 de xaneiro teatro. O Centro Dramático Galego pon en escena "O regreso ao deserto" de Koltés.
Lapis e calendario na man e a marcar en vermello os días que hai actividades!!!
Estas actividades están organizadas dende a Concellaría de Cultura do Excmo. Concello de Ribadeo en colaboración coa administración autonómica e coas diversas organizacións culturais e musicais da vila de Ribadeo.