jueves, 27 de marzo de 2008

AUDICIÓNS DO MES DE ABRIL






Audicións na Escola Municipal:

  • Audición de CLARINETE - Día 9 de Abril, ás 20:30h.

  • Audición de OBOE/FAGOTE e FRAUTA - Día 17 de Abril, ás 20:30h.

  • Audición de VIOLÍN/VIOLA - Día 23 de Abril, ás 20:30h.

  • Audición de PIANO - Día 30 de Abril, ás 20:30h.

Actuación no Auditorio Municipal:


  • Actuación de BALLET/DANZA - Día 29 de Abril, ás 20:30h.

Concertos exteriores:

  • MÚSICA DE CÁMARA - Escola Oficial de Idiomas de Ribadeo, día 9 de Abril, ás 19:00h.

  • CONCERTO DIDÁCTICO - Auditorio Municipal Hernán Naval, día 14 de Abril, ás 10:30h.


Dende a Direción da EMMeD, agardamos a túa participación.

viernes, 29 de febrero de 2008

ACTIVIDADES DURANTE O MES DE MARZO


No mes de marzo a EMMeD e a Banda Municipal de Música de Ribadeo realizarán diversas actividades que a continuación enumeramos:



  • 3 marzo ás 20:30 h., na escola, audición de guitarra

  • 4 marzo ás 20:30 h., na escola, audición de piano

  • 7 marzo ás 20:30 h., no Forte de San Damián, inauguración de Mariñarte

  • 11 marzo ás 20:30 h., na escola, audición de trompeta, trompa, trombón e bombardino

  • 17 marzo, a BMM gravará unha secuencia da película "Los muertos van deprisa"

  • 17-20 marzo, intercambio musical coa Escola Profissional de Arte de Mirandela (Portugal)

  • 19 marzo, ás 21:00 h., na Igrexa Parroquial, Concerto de Semana Santa da BMM coa colaboración da Brass Band Esproarte

  • 21 marzo, a BMM realizará a procesión do Santo Enterro

lunes, 25 de febrero de 2008

¡¡¡ATENCIÓN!!! CAMBIO DE DATAS

Por motivos de forza maior , as Audicións dos alumnos de Guitarra e Piano que se ían realizar esta semana, aprázanse ata a semana que ven. As datas son:

  • Luns 3 de marzo: Audición de Guitarra
  • Martes 4 de marzo: Audición de Piano

Desculpade as molestias e agradecemos a vosa comprensión.

viernes, 8 de febrero de 2008

Audicións de Febreiro da E.M.M.e D. Ribadeo


As próximas audicións dos alunos/as da Escola Municipal de Música e Danza de Ribadeo serán:


  • Día 14 de Febreiro do 2008, ás 20:30h - Audición de Percusión

  • Día 25 de Febreiro do 2008, ás 20:30h - Audición de Guitarra

  • Día 26 de Febreiro do 2008, ás 20:30h - Audición de Piano

Tódalas audicións se realizarán no claustro da E.M.M.e D. Ribadeo.





miércoles, 6 de febrero de 2008

CONCERTO DE ANTROIDO 2008



A Casa do Mar acollerá mañá xoves ás oito e media da tarde o Concerto de Antroido da Escola Municipal de Música e Danza (EMMeD) de Ribadeo. Arredor de medio cento de alumnas e alumnos do centro participarán mañá nesta actividade á que están convidados todos o pais e nais así como todos os veciños da vila. Tan só hai unha 'obriga', vir disfrazados e con gañas de pasalo ben. A música e as sorpresas corren por conta das agrupacións da EMMeD de Ribadeo.

martes, 8 de enero de 2008

DATAS DE INTERESE 2º TRIMESTRE






Días festivos e non lectivos:




  • 4 - 5 FEBREIRO: Antroido

  • 7 FEBREIRO: Concerto de Antroido da EMMeD. 20:30 h. na Escola

  • 14 MARZO: Comezo das vacacións

  • 25 MARZO: Comezo das clases 3º trimestre

jueves, 27 de diciembre de 2007

Concierto "Aqui como en Viena".



La Banda Municipal de Música de Ribadeo ofrecerá el sábado 29 Deciembre, a las 20:30h, en el Auditorio Municipal "Hernán Naval" de Ribadeo, su tradicional concierto de Navidad, el denominado "Aquí como en Viena".



El Director, Músicos y Directiva de la B.M.M.R., desean a todos unas felices fiestas y un próspero Año 2008.




lunes, 17 de diciembre de 2007

A ESCOLA MUNICIPAL DE MÚSICA E DANZA DE RIBADEO, PREPARA O SEU TRADICIONAL FESTIVAL DE NADAL.


A Escola Municipal de Música e Danza (EMMeD) de Ribadeo celebra o venres, día 21 de Decembro, ás oito do serán, o seu festival de Nadal. Ao longo das 2 horas que dura o espectáculo pasarán por riba do escenario de Auditorio Municipal Hernán Naval de Ribadeo, máis de 260 alumnos e alumnas da Escola e algunha que outra sorpresa, para ofrecer un espectáculo que o director do centro, Lourenço Cruz calificou como “sorprendente e ilusionante”.


Como novidades da edición deste ano a EMMeD de Ribadeo vai facer entrega dos premios aos alumnos/as que participarán na exposición de instrumentos musicais caseiros, e tamen se fará entrega do premio ao gañador/a, do “I Concurso de deseño do cartel para o Festival de Nadal”.


Unha vez mais, Lourenço Cruz mostrouse moi ilusionado de cara o festival tanto “polo importante número de nenos e nenas que van participar como polo papel dos pais e nais, que mañá terán un protagonismo especial, e espera que com estas actividades cada vez sexan mais”.


Por lo tanto, dende a Direción da EMMeD, esperamos a tua participación, para que cada vez sexamos mais apoiando este proxecto, en que estamos formando culturalmente os nosos alumnos/as, e tamén facendo que se divirtan con estas formosas artes que é a MÚSICA E A DANZA.

sábado, 1 de diciembre de 2007

DATAS DE INTERESE 1º TRIMESTRE



Días festivos e non lectivos:






  • 6 - 8 Decembro - Ponte da Constitución.
  • 6 Decembro - Audición no "MERCADO DE NADAL", ás 12:00h.
  • 8 Decembro - Audición no "MERCADO DE NADAL", ás 12:00h.
  • 10, 11 e 12 Decembro - Exames de linguaxe musical.
  • 10, 11, 12, 13, 14, e 15 Decembro - Exames de instrumento.
  • 15 Decembro - Exames de ballet e danza.
  • 21 Decembro - FESTIVAL DE NADAL, no Auditorio, ás 20:30h.
  • 22 Decembro - Vacacións.
  • 29 Decembro - "AQUI COMO EN VIENA", no Auditorio, ás 20:30h.
  • 8 Xaneiro - Comezo das clases.

jueves, 29 de noviembre de 2007

CONCURSO DE DESEÑO DO CARTEL PARA O FESTIVAL DE NADAL


O DEBUXO GAÑADOR, RECIBIRÁ UN AGASALLO E SERÁ A IMAXE DO CARTEL E DOS PROGRAMAS.



BASES: - Ser alumno/a da EMMeD no presente curso.

- Só se aceptarán 2 traballos por alumno.

- Entregar en Dirección, antes do 11 de Decembro.

- Os traballos deberán ser entregados en formato dixital.

- A temática elixida deberá ter relación coa música, danza e o nadal.

- Haberá un único gañador.

jueves, 28 de junio de 2007

Espectáculo, sorpresas e moita diversión no Festival de Fin de Curso da EMMeD de Ribadeo


A Escola Municipal de Música e Danza (EMMeD) de Ribadeo celebra mañá venres, día 29 de xuño, ás oito e media do serán, o seu festival de fin de curso. Ao longo da hora e media que dura o espectáculo pasarán por riba do escenario de Auditorio Municipal Hernán Naval de Ribadeo, máis de 250 alumnos e alumnas da Escola para ofrecer un espectáculo que o director do centro, Lourenço Cruz calificou como “sorprendente e ilusionante”.

Como novidades da edición deste ano a EMMeD de Ribadeo vai presentar no festival o grupo de clarinetes, unha formación que nace coa vontade de converterse en estábel e na que participan arredor de 20 instrumentistas. A outra gran novidade da noite vai ser a importante presenza das nenas de ballet no espectáculo, coa interpretación de 4 coreografías de diferentes estilos.

Un grupo de guitarras, unha agrupación formada por 80 nenos e nenas de iniciación á música, un grupo de música mixto para interpretar música rock, unha agrupación instrumental que recolle todas as especialidades que oferta o centro e un coro son o resto de formacións que actuarán mañá no festival de clausura do curso na EMMeD de Ribadeo.

O director do centro destacou que no festival “vaise poder ver música de todo tipo e de todos os estilos, formacións convencionais e outras creadas de xeito directo para o festival coa intención de que os nenos e nenas, os pais e nais e o público coñezan as enormes posibilidades que ofrecen tanto a música coma o ballet”.

Lourenço Cruz mostrouse moi ilusionado de cara o festival tanto “polo importante número de nenos e nenas que van participar como polo papel dos pais e nais, que mañá terán un protagonismo especial”.

Prazos de matrícula
A EMMeD de Ribadeo abrirá o próximo luns día dous de xullo, entre as 12.00 e as 14.30 horas, nas dependencias da Casa do Mar, o prazo de matrícula para o vindeiro curso 2007/08. Para inscribirse tan só é preciso levar o número de conta e cubrir o impreso correspondente.

jueves, 31 de mayo de 2007

Máis datos sobre o campamento

En primeiro lugar pedir desculpas porque na entrada anterior colgouse toda a información agás o número de conta para ingresar os cartos e as taxas que se deberán aboar á hora de formalizar a matrícula.

O prezo da inscrición no II Campamento Musical de Verán Ribadeo 2007 é de:

socios e fill@s de socios da Asoc. Amadores da Música: 100 euros

non soci@s: 200 euros

Os cartos deben ser ingresados na conta 0081-5420-32-0001078608 no Banco SabadellAtlántico de Ribadeo.
A conta está a nome da Asociación Amadores da Música e no concepto deben indicar Campamento Musical 2007.

jueves, 24 de mayo de 2007

IMPORTANTE: Inscrición para participar no II Campamento Musical de Verán Ribadeo 2007




Por mor da elevada demanda de información e boletíns de inscrición que se están recibindo na Escola Municipal de Música e Danza (EMMeD) de Ribadeo de xente de fóra da provincia e incluso de fóra de Galici para participar no II Campamento Musical de Verán Ribadeo 2007, que se vai celebrar entre os días 6 e 15 de agosto, a Asociación Amadores da Música informa que as e os que o desexen poden descargar deste blog a folla de inscrición para participar na actividade.


O proceso é o seguinte:


1- Preman na imaxe para facela máis grande


2- Cubran os seus datos persoais


3- Remitan o boletín cuberto así como o xustificante de ingreso da cota de inscrición ao seguinte enderezo:




Asociación Amadores da Música


R/Clemente Martínez Pasaron (Casa do Mar) baixo


27700 - Ribadeo




Para máis información non dubiden en chamar ao teléfono 982130856 ou ben escriban un e-mail ao enderezo electrónico musiqueando_ribadeo@hotmail.com


lunes, 21 de mayo de 2007

Aberto o prazo de pre-matrícula na Escola Municipal de Música e Danza de Ribadeo

A Escola Municipal de Música e Danza (EMMeD) de Ribadeo mantén aberto o prazo de pre-matrícula durante os meses de maio e xuño para facer unha previsión do número de alumnas e alumnos cos que vai contar o centro o próximo curso 2007/08. Deste xeito coñécese tamén cal vai ser o número de prazas de cada disciplina que se van poder ofertar na convocatoria oficial de matrícula que se vai levar a cabo durante o vindeiro mes de xullo.
A pre-matrícula pode realizarse nas dependencias da EMMeD de Ribadeo, falando co seu director Lourenço Cruz.

jueves, 17 de mayo de 2007

A Banda Municipal de Ribadeo ofrece o seu tradicional concerto co gallo do día das Letras Galegas


A Banda Municipal de Ribadeo (BMR) baixo a batuta do mestre Lourenço Cruz ofrece este sábado, día 19 de maio, ás oito e media do serán no Auditorio Municipal “Hernán Naval”, o seu tradicional concerto das Letras Galegas. Esta cita forma parte, xa dende que en xaneiro de 1992 botara a camiñar a formación, da programación estábel da municipal ribadense ao longo de todo o ano.
Desta volta a BMR estrutura a súa actuación en dúas partes, unha primeira de música sinfónica, composta de xeito orixinal para banda ou ben arranxada especificamente para este tipo de formacións, e unha segunda adicada integramente á música composta en Galicia.
Na primeira parte do concerto a BMR incorpora dúas novas pezas ao seu repertorio, a obertura Ammerland, do mestre Jacob de Haan, e Fantasía para saxo alto e banda de Demmerssemen, co profesor Ismael Porto Barciela como solista, e recupera unha das obras que máis éxito colleitaron entre o público ribadense dende que a BMR se puxo en marcha, unha selección dos mellores fragmentos do musical The Phantom of de Opera, de Andrew Lloyd Webber.
Na segunda parte, como xa vén sendo habitual, a BMR inclúe pezas compostas por autores galegos. É o caso dos dous pasodobres que abren e pechan esta segunda metade da actuación, Lugo-Ferrol, de G. Baudot, e Ponteareas, de R. Soutullo, respectivamente. E no medio volve ao repertorio da municipal ribadense unha das obras máis fermosas que se teñen composto no país, Rosa de Abril, de Andrés Gaos, baseada nun poema de Rosalía de Castro ao que lle vai poñer voz Suso López. A outra obra galega do repertorio é Negra Sombra do lucense Xoán Montes que xunto coa interpretación institucional do Hino Galego pechan o concerto desta noite.

martes, 1 de mayo de 2007

Aberta a inscrición para o II Campamento Musical de Verán Ribadeo 2007


Xa está aberta a inscrición para participar no II Campamento Musical de Verán Ribadeo 2007 que organiza a Asociación Amadores da Música en colaboración coa Delegación de Cultura do Excmo. Concello de Ribadeo que se celebrará nas instalacións do CEIP Gregorio Sanz da vila ribadense e que terá lugar entre os días 6 e 15 de agosto de 2007.

A actividade está pensada para nenas e nenos de entre de entre 8 e 17 anos (nados entre os anos 1990 e 1999), que estuden en escolas de música, conservatorios profesionais e centros autorizados nas especialidades de: violín, viola, violonchelo, contrabaixo, frauta, oboe, clarinete, fagot, saxofón, trompeta, trompa, trombón, bombardino, tuba, percusión, guitarra e piano.
A inscrición pode facerse dende o día 20 de Abril até o 30 de Xuño.

Para máis información: Escola Municipal de Música de Ribadeo Tlf. 982130856 Fax: 982120589 e-mail: musiqueando_ribadeo@hotmail.com ou ben

A BMR actúa en Lourenzá no marco dunha homenaxe aos músicos da vila


A Banda Municipal de Ribadeo (BMR) pecha hoxe martes, primeiro de maio, o ciclo de concertos que puxo en marcha o concello de Lourenzá para homenaxear a varios músicos da vila que ao longo dos anos formaron parte dos planteis tanto de bandas populares coma de orquestras. Nomes como "Os Foregos" ou "os Petos" son ben coñecidos no panorama musical galego pois son berce de grandes mestres que durante ducias de anos percorreron os camiños e corredoiras das aldeas e vilas do país para levar alí a súa música. Xente que con máis ilusión cá medios sentou as bases da cultura musical da que hoxe goza a nosa terra.

Vaia pois por eles a nosa máis sentida homenaxe e a nosa gratitude pola súa laboura. Na memoria dos que xa non están e para os que aínda seguen entre nós e hoxe van ser recoñecidos publicamente en Lourenzá...


Terra fidalga é a nosa Terra,

tanta, cal linda Deus a quixo dar,

que ben sabe honra facer,

a quen merece honra....

lunes, 23 de abril de 2007

Apoio da Unión Española de Escolas de Música ao traballo da EMMeD de Ribadeo


Ante o debate público que se vive en Ribadeo sobre a posta en funcionamento dun conservatorio a Unión Española de Escolas de Música (entidade pertencente á EMU, asociación europea de escolas de música), a través da súa presidenta, a catalá Carme Vergel, quere mostrar o seu apoio ao traballo realizado pola Escola Municipal de Música e Danza (EMMeD) de Ribadeo así como a súa opinión contraria ao estabelecemento dun conservatorio de grao medio na vila ribadense. Vergel sinala que a tendencia que se está seguindo en Catalunya é a contraria, tratar de potenciar as escolas de música como base para a formación musical da cidadanía. A presidenta da Unión Española de Escolas de Música recorda o quinto punto da Declaración de Weimar en apoio ás escolas de música e aos seus proxectos:
5. Las escuelas de música – una responsabilidad pública
5.1. Todo ciudadano debe poder tener la posibilidad de asistir a una escuela de música
si tiene esta inclinación e incluso quizás el talento necesario. Las cargas financieras
impuestas al alumno no deben ser demasiado elevadas.
5.2. No se debe abandonar en manos del mercado cultural ni de la industria del
divertimento el interés del individuo por la música y su voluntad de aprender.
5.3. La calidad de las estructuras, de las actividades ofertadas, y del personal docente
del que las escuelas de música necesitan para acometer su misión educativa, así como
la participación de las escuelas de música en la vida musical, no podrá ser garantizado si
los poderes públicos no asumen su responsabilidad sobre la base de la afirmación
manifiesta de una voluntad política y de un compromiso financiero por su parte.
5.4. Deseosos de garantizar las subvenciones públicas y de asegurarse un numeroso
público, las escuelas de música continuarán mejorando y asegurando la calidad de sus
servicios y de sus actividades. Paralelamente a su competencia profesional, aumentarán
también su eficacia en términos económicos.
La EMU requiere
• Que las escuelas de música sean reconocidos por los responsables políticos
competentes como parte integrante del equipamiento cultural de base al cual todo
ciudadano puede aspirar, y por tanto, como una responsabilidad pública indispensable;
• Que las escuelas de música continúen a ser objeto de la política cultural, educativa y
social y que ni los mejores políticos ni las administraciones públicas evadan su
responsabilidad en la realización de esta tarea;
• Que sea reconocido que la financiación privada – pague lo que pague – no constituye
una base de planificación sólida. Las escuelas de música no podrán ser privatizadas para
cumplir su misión. Las tasas y los costes no deben cortar la ruta a nadie.

martes, 10 de abril de 2007

Xa estamos de volta!!!


Xa estamos de volta en MUSIQUEANDO trala paréntese das vacacións de Pascua que deron para moito musicalmente falando. Éxito dos dous concertos da Escola Municipal de Música e Danza (EMMeD) de Ribadeo en Couxela e na propia vila; éxito tamén da convocatoria de antigos músicos da Banda Municipal de Ribadeo (BMR) que teñen unha cita o próximo día 21 de abril para comezar a prepar o concerto; e éxito tamén o da actuación da BMR o pasado mércores co mesmo programa co que viaxou a La Sénia e máis o concerto para bombardino e banda con Diego Bermúdez como solista.

Despois desta semana chea de boas noticias temos a obriga de seguir traballando arreo para facer medrar tanto a EMMeD de Ribadeo como a BMR

miércoles, 28 de marzo de 2007

Corrección á nota anterior!!!!

Por causas alleas á nosa vontade o concerto do ciclo 'Máis perto de ti' que se vai celebrar en Couxela terá lugar na Igrexa Parroquial desta localidade e non como estaba anuciado na Escola.
Pregamos saiban desculpar as molestias causadas.