Por mor da elevada demanda de información que se está recibindo na Escola Municipal de Música e Danza (EMMeD) de Ribadeo de xente de fóra da provincia e incluso de fóra de Galicia para participar no III Campamento Musical de Verán Ribadeo 2008, que se vai celebrar entre os días 4 e 14 de agosto, a Asociación Amadores da Música informa que as e os que o desexen poden descargar deste blog a folla de inscrición para participar na actividade.
O prezo da inscrición no III Campamento Musical de Verán Ribadeo 2008 é de:socios e fill@s de socios da Asoc. Amadores da Música: 125 euros; non soci@s: 250 euros. Os cartos deben ser ingresados na conta 0081-5420-32-0001078608 no Banco Sabadell Atlántico de Ribadeo ou 2091-0140-61-3040014967 na Caixa Galicia de Ribadeo. As contas están a nome da Asociación Amadores da Música e no concepto deben indicar Campamento Musical 2008.
O proceso é o seguinte:
1- Preman na imaxe para facela máis grande
2- Cubran os seus datos persoais
3- Remitan o boletín cuberto, o xustificante de ingreso da cota de inscrición e o xustificante de matrícula no centro musical onde estude ao seguinte enderezo:
Escola Municipal de Música e Danza de Ribadeo
R/Clemente Martínez Pasaron (Casa do Mar) baixo
27700 - Ribadeo (Lugo)
27700 - Ribadeo (Lugo)
ou ben a través do: FAX 982 120 589
Para máis información non dubiden en chamar aos teléfonos 982130856/982120589/629881930 ou ben escriban un e-mail ao enderezo electrónico musiqueando_ribadeo@hotmail.com
1 comentario:
Creo que na información que figura no Tríptico sobre o Campamento de verán faltan datos relevantes, a saber, non se informa sobre o cadro de profesores que impartirán o mesmo. Quen son? Que sistema de contratación se emprega? Grazas. María.
Publicar un comentario